वीरगन्ज,१६असार: पर्साको बिन्दवासिनी गाउँपालिकाले वडा नम्बर २ बहुवर्वाभाठ्ठामा सडक फराकिलो पार्न सडकको क्षेत्रभित्र पर्ने संरचनाहरु हटाउन सुरु गरेको छ ।
बिन्दबासिनी गाउँपालिकाले शनिबार वडा नम्बर २ बहुवर्वाभाठ्ठामा सन्तु मियाँको घर देखि अवध चौहानको घरसम्मको सडक छेउका संरचना डाेजर लगाएर हटाउन सुरु गरेको गाउँपालिका अध्यक्ष प्रमोद तिवारीले जानकारी दिए ।
शनिबार बहुवर्वाभाठ्ठामा सडक पेटी र सडक छेउमा निर्माण गरिएका घरटहरा डोजर लगाएर हटाइएकाे उनले बताए ।
बिन्दवासिनी गाउँपाकिलाले हाल कायम रहेको सडकलाई २७ फिट चौडा बनाउने भन्दै त्यस क्षेत्रमा पर्ने संरचना हटाउन घरधनीलाई यसअघि ७ दिने सूचना आह्वान गरी जानकारी गराएको थियो ।उक्त सुचना अनुसार स्थानीयले संरचना आफै हटाउने भन्दै १५ दिनको समय लिएका थिए । तर १५ दिन बितिसक्दा पनि स्थानीयले नहटाएका संरचना शनिबारदेखि गाँउपालिकाले डाेजर लगाएर हटाउन थालेकाे अध्यक्ष तिवारीले बताए।
शनिबार पहिलोदिन लगभग २ किलोमिटर लामो दूरीमा परेका घरहरूमा डोजर लगाई सडक फराकिलो बनाइएको उनले बताए ।