वीरगन्ज , १७ जेष्ठ : पर्साको पटेर्वासुगौली गाँउपालिका वडा नम्बर ४ भतौडास्थित वनदेवी आधारभूत विद्यालयमा विद्यालय व्यवस्थापन समिति गठन गरिएको छ ।
बुधबार विद्यालय परिसरमै सम्पन्न अभिभावक भेलाले ६ सदस्यिय विद्यालय व्यवस्थापन समिति गठन गरेको हो । समितिको सदस्यहरुमा उधो राउत , दुखी महत्तो , रवितादेवी नुनीया , शविकुमारी देवी , दिपनारायण महत्तो र मदन तिवारी सर्वसम्मत चयन भएका हुन् ।
बुधबार चयन भएका ६ जना सदस्यहरु मध्येबाटै समितिको अध्यक्ष चयन हुने प्रधाननाध्यापक सुभाष प्रसाद दासले जानकारी दिए ।
बुधबारको अभिभावक भेलामा पटेर्वासुगौली गाँउपालिकाका प्रमुख प्रशासकीय अधिकृत सन्देश यादव , गाँउपालिकाका शिक्षा शाखा प्रमुख शोलेन्द्र पञ्जयार , वडासदस्य शीवशंकर राउत लगायतको पनि उपस्थिती रहेको थियो ।