वीरगन्ज, ६ जेष्ठ : वीरगन्ज महानगरपालिकाका मेयर राजेशमान सिंहले साउदी अरबको मक्का मदिनामा हज गर्न जाने पर्साका २४ जना हज यात्रीहरुलाई शनिबार एक कार्यक्रमको आयोजना गरि विदाई गरेका छन् ।
वीरगन्ज महानगरपालिका वडा नम्बर ६ मा रहेको मदिना जामे मस्जिदमा शनिबार आयोजित कार्यक्रममा मेयर सिंहले हजयात्रीहरुलाई विदाई गरेका हुन् ।
हजका लागि साउदी अरबको मक्का मदिना जान हिडेका हज यात्रीहरुलाई मेयर सिंहले खादा लगाएर पुष्प गुच्छा दिँदै बिदाई गरेका हुन् ।
त्यसअवसरमा मेयर सिंहले आफनो धार्मिक परम्परा र रितिरिवाजलाई कायम राख्न आग्रहपनि गरे ।