वीरगन्ज ,०८ पुस: नेपाली कांग्रेसका प्रवक्ता डा. प्रकाशशरण महतले नेपालमा चिनियाँ ऋणमा रेल चलाउन नसकिने बताएका छन् । उनले नेपालको बाटो भएर भारतसम्म भने चिनियाँ रेल चलाउन सकिने बताए ।
उनले त्यसका लागि चीन र भारतबीच सहमति भयो भने नेपाल पनि सहमत हुन सक्ने बताए । प्रवक्ता डा. महतले बीआरआई सम्झौतामा चिनियाँ रकम चलाउने कुरा रहेको भन्दै त्यो नेपालले स्वीकार नगर्ने बताए ।
उता नेकपा एमालेका उपमहासचिव प्रदीप ज्ञवालीले भने बीआरई जस्ता ठूला परियोजना नेपाललाई आश्यक हुने बताएका छन् । उनले विश्व अर्थतन्त्रसँग जोडिएर मात्रै विकास सम्भव हुने बताए । उनले भने, ‘विकास सहायतालाई अरू रूपमा हेर्न मिल्दैन । डाइभर्स कनेक्टिभिटी आवश्यक छ ।’ साभार:शिलापत्र