मधेसखबर
वीरगन्ज,१३ मंसिर : पर्साको जगरनाथपुर गाउँपालिकाका बिरामीले वीरगन्जको ब्लड बैंकबाट अब निःशूल्क रुपमा रगत पाउने भएका छन् ।
जगरनाथपुर गाउँपालिका र नेपाल रेडक्रस सोसाइटी पर्सा शाखा बिच मंगलबार भएको सम्झौता अनुसार त्यस गाँउपालिकाका बिरामीकाका लागि आवश्यक पर्ने रगत ब्लड बैंकले निःशुल्क उपलब्ध गराउने भएको हो ।
सम्झौतामा जगरनाथपुरका बासिन्दालाई उपचारका लागि आवश्यक पर्ने रगत चिकित्सकको सल्लाहअनुसार प्रदान गर्न भनिएको छ भने त्यसको भुक्तानी गाउँपालिकाले नै गर्ने सम्झौता पत्रमा उल्लेख छ ।
सम्झौता अनुसार ,रगतको ब्याग, क्रसमैच, ग्रुपिङ्ग एंव परीक्षण वापत प्रति युनिट १ हजार ५० रुपैयाँ शूल्क गाउँपालिकाले नै बलड बेंकमा तिर्ने जगरनाथपुर गाउँपालिकाका अध्यक्ष श्रीकान्त प्रसाद यादवले बताए ।
यसअघि ठोरी गाउँपालिकाले पनि निःशूल्क रगत उपलब्ध गराउन सम्झौता गरीसकेको छ ।