मधेसखबर
वीरगन्ज, २९ कार्तिक : पर्सा क्षेत्र नम्बर ४ मा नेपाली काँग्रेसका उम्मेदवार प्रतिको जनलहर निरन्तर बढ्दो क्रममा रहेको छ ।
प्रतिनिधी सभा सदस्यका उम्मेदवार रमेश रिजालको स्वच्छ र विकास प्रेमी छविका कारण आसन्न निर्वाचनको मिति नजिकिदै गर्दा काँग्रेस प्रतिको जनलहर बढ्दो क्रममा रहेको हो ।
पर्सा क्षेत्र नम्बर ४ मा भइरहेको चुनावी प्रचार प्रसारका क्रममा अन्य दलका नेताकार्यकर्ताहरु पार्टी परित्याग गरि काँग्रेसमा प्रवेश गर्ने क्रम निरन्तर चलिरहेको छ ।यसैक्रममा मङगलबार पनि जिराभवानी गाँउपालिका वडा नम्बर –१ पकडीटोलामा भएको कोणसभामा एमाले परित्याग गरेर ७३ जना काँग्रेसमा प्रवेश गरेका छन् ।
एमालेका स्थानीय प्रभावशाली नेता गोविन्द खवासको नेतृत्वमा ७३ जना काँग्रेसमा प्रवेश गरेका हुन् । कार्यक्रममा नव प्रवेशीहरुलाई प्रतिनिधीसभा सदस्यका उम्मेदवार एंव काँग्रेसका केन्द्रिय सदस्य रमेश रिजालले अबीर टिका लगाएर पार्टीमा स्वागत गरे । एमालेको लाल किल्ला भनिने पकौडीटोलका ७३ जना एमाले छोडेर काँग्रेस प्रवेश गरेपछि जिराभवानी गाँपालिकामा एमालेलाई ठुलै धक्का लागेको एमालेका क्षेत्रीय सचिव बलिष्टर अहमदले बताए ।
चुनावी को्णसभालाई सम्बोधन गर्दै पाँच दलीय गठबन्धनका पनि उम्मेदवार रहेका रिजालले देशभरि नै काँग्रेसको लहर चलेकाले आसन्न निर्वाचनमा एमाले र उसंग गठजोड गरेका दलहरुको पत्ता साफ हुने निश्चित भएको बताए । रिजालले पर्सा ४ मा बहुरुपिया उम्मेदवारबाट जनता सजग रहेकाले एमालेको दिवा सपना पुरा नहुने बताए । शेख ग्यासुदिन मियाँको अध्यक्षतामा भएको चुनावी कोणसभालाई प्रदेश सदस्यका उम्मेदवार शंकर प्रसाद चौधरी लगायतकाले पनि सम्बोधन गरेका थिए ।