मधेसखबर
वीरगन्ज ,१९ भदौं : वीरगन्जमा स्थापना गरि सन्चालनको तयारीमा रहेकाे मधेस विश्वविधालयकाे वीरगन्ज महानगरपालिकाका मेयर राजेशमान सिंहले स्थलगत अवलोकन गरेका छन् ।
वीरगन्जकाे श्रीपुर स्थित नेशनल ट्रेडिङकाे भवन र परिसरमा स्थापना गरि सन्चालनकाे तयारीमा रहेकाे मधेस विश्वविद्यालयकाे मेयर सिंहले आइतबार साँझ अवलाेकन गरेका हुन् ।
त्यसक्रममा मेयर सिंहले विश्वविद्यालय सन्चालन र उद्घाटनकाे तयारी लगायत बारे विश्वविद्यालयका उपकुलपति डाक्टर दिपक शाक्यसंग जानकारी लिए ।
मधेस सरकारले वीरगन्जमा स्थापना गरेकाे मधेस विश्वविद्यालयकाे यहि भदौं २२ गते बुधबार जनता समाजवादी पार्टीका अध्यक्ष उपेन्द्र यादवले उद्घाटन गर्ने तय भएकाे छ ।उद्घाटन समाराेहमा मधेस प्रदेशका मुख्यमन्त्री लालबाबु राउत , सामाजिक विकास मन्त्री नवलिकशाेर साह लगायतको पनि सहभागिता रहने उपकुलपति डाक्टर शाक्यले जानकारी दिए ।
आइतबार विश्विवधालयकाे तयारी बारे मेयर सिंहले अवलाेकन गर्ने क्रममा उपकुलपति डाक्टर शाक्य, वडा अध्यक्षहरु आशुतोष चतुर्वेदी, मनाेज यादव , इन्जिनियर प्रकाश अमात्य लगायतकाे पनि सहभागिता रहेकाे थियाे ।