मधेसखबर
वीरगन्ज, ११ भदौं : नेपालमा पछिल्लो २४ घण्टामा १ सय ७३ जनामा कोरोना भाइरसको संक्रमण पुष्टि भएको छ ।
देशभर पीसीआर र एन्टिजेन गरी २ हजार ८ सय ३९ जनाको नमूना परीक्षण गर्दा १ सय ७३ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यस्तै पछिल्लो २४ घण्टामा थप ३ सय ९६ जना कोरोना संक्रमित निको भएका छन् । कोरोना भाइरसको संक्रमणका कारण पछिल्लो २४ घण्टामा कसैको पनि मृत्यु भएकोे छैन ।
अहिले नेपालमा ३ हजार ६ सय १२ जना कोरोना भाइरसका सक्रिय संक्रमित रहेका छन् । यस्तै पछिल्लो २४ घण्टामा ४७ हजार एक सय ५२ जनाले कोरोना विरुद्धको खोप लगाएका स्वास्थ्य तथा जनसंख्या मन्त्रालयले जनाएको छ ।