मधेसखबर
वीरगन्ज , २१ साउन : नेपाल समाजवादी पार्टीको अध्यक्षमा डा. बाबुराम भट्टराई र महेन्द्रराय यादव चयन भएका छन्।
पार्टीको शनिबार ललितपुरमा बसेको बैठकले दुवैलाई केन्द्रीय समितिको अध्यक्षमा भट्टराई र यादव चयनलाइ चयन गर्ने निर्णय गरेको हो । यस्तै पार्टी सहअध्यक्षमा गंगानारायण श्रेष्ठ, उपाध्यक्षमा दुर्गा सोब, हिसिला यमी र भक्तबहादुर शाहलाई तथा महासचिवमा रमेश यादवलाई चयन गरिएको छ ।
बैठकले सात वटा भौगोलिक, एक गैरभौगोलिक र प्रवास गरी ९ प्रदेशको नेतृत्वलाई केन्द्रीय कार्यकारिणी समितिमा थपेको छ।
प्रदेश १ को इन्चार्जमा राजेन्द्र किराती, मधे प्रदेशमा देवेन्द्र यादव, बागमतीमा अक्लबहादुर थिङ, गण्डकीमा मोती रिजाल, लुम्बिनीमा कमल खनाल, सुदूरपश्चिममा डा. जनक शाह, कर्णालीमा देवी बहादुर बुढाथोकी चयन भएका छन्।
गैरभौगोलिकमा ईश्वर रिजाल र प्रवासमा जीएस गुरुङ रहेका छन्। पार्टीको विधानमा व्यवस्था गरिएको संघीय परिषद् अध्यक्ष पद भने खाली राखेको छ।