मधेसखबर
वीरगन्ज,१५साउन : जनार्दन शर्मा पुनः अर्थमन्त्री बन्ने भएका छन् । नेकपा माओवादी केन्द्रका अध्यक्ष पुष्पकमल दाहाल निकटका एक पोलिटब्युरो सदस्यका अनुसार माओवादी केन्द्रले शर्मालाई नै अर्थमन्त्री बनाउनका लागि नाम पठाइसकेको छ ।
शर्माको शपथको कार्यक्रम प्रधानमन्त्री तथा राष्ट्रपतिको कार्यालयले तय गर्ने उनले बताए ।
बजेट भाषणको अघिल्लो रात अनधिकृत मानिसहरुलाई अर्थमन्त्रालय भित्र लगेर करका दरमा हेरफेर गरेको भन्दै विवादमा आएपछि शर्माले अर्थमन्त्री पदबाट राजीनामा दिएका थिए । संसदीय छानबिन विशेष समितिले भने बजेट निर्माणका क्रममा अनधिकृत मानिसहरु सहभागी भएको कुरा नपाइएको निष्कर्ष निकालेको थियो । साभार : कान्तिपुर