Madhes Khabar
अर्थतन्‍त्र हेडलाइन

सरकारले भन्सार शुल्क घटाए पनि वीरगन्जका व्यपारीले बढेकै मुल्यमा खाने तेल बेच्दै

मधेसखबर
वीरगन्ज ,०२ असोज : सरकारले खाने तेल आयातमा भन्सार शुल्क घटाए पनि वीरगन्जको बजारमा भने खाने तेलको मल्य भने घटेको छैन ।

सरकारले खाने तेल आयातमा भन्सार शुल्क घटाएपछि एक महिनाको तुलनामा तेलको मूल्य लिटरमै ५० रुपैयाँसम्मले घटेको नेपाल खुद्रा व्यापार संघले दाबी गरेको छ । तर वीरगन्जको बजारमा भने खाने तेलको मुल्य नघटेको उपभोक्ताहरुको भनाइ छ ।

संघका अनुसार एक महिना अघि प्रतिलिटर २९५ रुपैयाँ रहेको सूर्यमुखी तेलको मूल्य थोकमा २४५ रुपैयाँमा झरेको छ । २८० रुपैयाँ रहेको तोरीको तेलको मूल्य २५० रुपैयाँमा झरेको छ । यस्तै २९३ रुपैयाँ पर्ने भटमासको तेलको मूल्य न्यूनतम् २१८ रुपैयाँसम्म झरेको संघको दाबी छ ।

तर वीरगन्जका पसलहरुमा भने व्यपारीलले बढेकै मुल्यमा खाने तेल बिक्री गरिरहेको उपभोक्ताहरुले गुनासो गरेका छन् ।नेपाल खुद्रा व्यापार संघले भने खानेतेलको मूल्य पुरानै सार्वजनिक गरेको छ । संघले शुक्रबार पठाएको विवरण अनुसार तोरीको तेलको मूल्य प्रतिलिटर मूल्य ३७०, भटमासको तेलको मूल्य २५५ रुपैयाँ र सूर्यमुखी तेलको मूल्य २९५ रुपैयाँ रहेको उल्लेख छ ।

सरकारले २३ भदौमा राजपत्र जारी गर्दै पाम, सूर्यमुखी र भटमासको कच्चा तेल आयात गर्दा भन्सार महसुलमा ९० प्रतिशत छुट दिएको थियो । सूर्यमुखी, भटमास, तोरी, रायो, सर्स्युं लगायतका वस्तुको गेडा नै आयात गर्दा यस अघि ५० प्रतिशत रहेको भन्सार छुटलाई पनि बढाएर सरकारले ९० प्रतिशत पु¥याइदिएको थियो ।

तर नेपाल वनस्पति घ्यु तेल उत्पादक संघका अनुसार अन्तर्राष्ट्रिय बजारमा तेलको मूल्यमा आएको गिरावटका कारण खाने तलेको मूल्यमा उच्च गिरावट देखिन थालेको बताएको छ । संघका अध्यक्ष सन्दीप अग्रवालका अनुसार जेठयता मात्रै खाने तेलको मूल्य लिटरमा ७० रुपैयाँसम्मले घटेको छ । तेलको मूल्य अन्तर्राष्ट्रिय बजारमै घटेका कारण नेपाली बजार पनि घटेको अध्यक्ष अग्रवालले बताए ।

यता वीरगन्जको बजारमा खुद्रा पसलेले भने बढेकै मुल्यमा तेल बिक्री गरिरहेको भएपनि यसको अनुगमन गर्ने सरकारी निकायले कुनै वास्ता नगरको यहाका उपभोक्ताहरुको गुनासो छ ।

Related posts

घण्टाघरको सडक बनाउदा अख्तियारको अवरोध , मेयर सिंह भन्छन् : जनहितका लागि अख्तियार धाउन तयार छु

MadhesKhabar

वीरगन्जमा पनि बच्चा चोरको त्रास , छपकैयाबाट भारतका तीन मुस्लिम महिला पक्राउ

MadhesKhabar

सखुवा प्रसौनी गाँउपालिकाको गाँउसभा सम्पन्न, नीति तथा कार्यक्रमको प्राथमिकतामा शिक्षा ,स्वास्थ्य र कृषि

MadhesKhabar

Leave a Comment