मधेसखबर
वीरगन्ज,१२साउन : नेपालमा एकै दिन थप ७ सय १० जनामा कोरोना भाइरस संक्रमण पुष्टि भएको छ ।पछिल्लो २४ घन्टामा देशभरबाट ५ हजार २५ जनाको नमूना परीक्षण गर्दा ७ सय १० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पीसीआर विधिबाट २ हजार ५ सय ४१ र एन्टिजेनबाट २ हजार ४ सय ८४ जनाको परीक्षण गर्दा पीसीआारबाट ५ सय २४ र एन्टिजेनबाट १ सय ८६ नमूनाको रिपोर्ट पोजिटिभ आएको हो । यस्तै बिहीबार कोरोनाबाट थप २ जनाको मृत्यु भएको छ ।
मन्त्रालयका अनुसार पछिल्लो २४ घन्टाको अवधिमा थप २१५ जना कोरोनामुक्त भएका छन् । हाल देशभर कोरोना सक्रिय संक्रमितको संख्या ४ हजार २ सय ३६ पुगेको छ ।मन्त्रालयका अनुसार पछिल्लो २४ घन्टामा थप ५९ हजार ४७१ जनाले कोरोनाविरुद्धको खोप लगाएका छन्।