मधेसखबर
वीरगन्ज,१७जेठः वीरगन्ज महानगरपालिका नवविनर्वाचित मेयर राजेशमान सिंहले झण्डै तीन दशक देखि प्रदुषित सिर्सिया नदिको सरसफाइ छिटटै शुरु गर्ने बताएका छन् ।
आफनो चुनावी घोषणापत्रमा पनि सिर्सिया नदिको सफाइ र अतिक्रमण मुक्त बनाउने वाचा गरिएकाले नदिको सरसफाइ छिटटै शुरु गर्ने मेयर सिंहले बताएका छन् ।
भारत रक्सौलबाट गत आइतबार इन्डो–नेपाल चेम्बर अफ कमर्सको प्रतिनिधिमण्डलले वीरगन्जमै आएर नवनिर्वाचित मेयर सिंहलाइ स्वागत र सम्मान गर्ने क्रममा मेयर सिंहले यस्तो बताएका हुन् ।
बाराको रामवनबाट शुरु भइ पर्साको वीरगन्ज हुदै रक्सौल सम्म बग्ने सिर्सिया नदि वीरगन्जको लाइफलाइन हो । तर यो नदि करिब तीन दशक देखि उद्योग कलकारखाना र महानगरको ढल नालाको फोहोर पानीले प्रदुषित बनेको छ ।
भारतीय व्यपारीहरुसंगको छलफलमा मेयर सिंहले सिर्सिया नदिको सरसफाइ आफनो प्राथमिकतामा रहेको बताए ।
उनले भारतीय सवारी साधनहरूसँग महानगरमा अवैध शुल्क उठाउने कार्य पनि बन्द गर्ने आश्वासन दिए ।
इन्डो–नेपाल चेम्बर अफ कमर्सका अध्यक्ष राजकुमार गुप्ताले सिर्सिया नदीको प्रदूषण नियन्त्रणका लागि मेयर सिंहसंंग आग्रह गरेका थिए । उनले वीरगन्जबाट बग्ने सिर्सिया नदीमा उद्योगहरुको रसायनयुक्त पानीले रक्सौलका मानिसलाई पनि समस्या भइरहेको तर्फ ध्यानाकर्षण गराए । यसका साथै वीरगन्ज भन्सार क्षेत्रमा अपरान्ह ४ बजेदेखि सँँझ ६ बजेसम्म सवारीसाधनको इन्ट्री गर्ने व्यवस्था मिलाउन तथा राति ११ बजेसम्म निजी सवारी साधन रक्सौल जान पाउने व्यवस्था मिलाइ दिन पनि उनले आग्रह गरे । यसले दुवै शहर बीच व्यापार बढ्ने र पर्यटन व्यवसाय पनि फस्टाउने सुझाव उनको थियो ।
रक्सौलबाट आएको प्रतिनिधि मण्डलमा पप्पु केसरीवाल, धनराज साह, देशबन्धु कुमार, रमेश कुमार, रामकुमार , विकास कुमार लगायतको पनि सहभागिता थियो ।