मधेसखबर
वीरगन्ज,१५जेठः सर्वोच्च अदालतले निर्माण नगर्न आदेश गरेपनि सरकारले बाराको निजगढमा निर्माण गर्ने भनिएको अन्तर्राष्ट्रिय विमानस्थलको निर्माण कार्य अगाडि बढाउन बजेटमा योजना राखेको छ ।
सर्वोच्च अदालतले बिहीबार निजगढमा अन्तर्राष्ट्रिय विमानस्थल निर्माण नगर्न फैसला गरेको अवस्थामा सरकारले भने आगामी आर्थिक वर्षको बजेटमा नै निजगढ विमानस्थल निर्माणका लागि योजना ल्याएको हो ।
आइतबार संसदमा अर्थमन्त्री जनार्दन शर्माले प्रस्तुत गरेको आगामी आर्थिक वर्ष २०७९÷०८० को बजेटमा निजगढ विमानस्थल निर्माणको योजना अगाडि सारेका हुन् । संघीय संसद्का दुवै सदनको संयूक्त बैठकमा मन्त्री शर्माले भने, ’निजगढ विमानस्थल पुनर्निर्माणको लागि ढाँचा निर्माण गरी लगानी बोर्ड नेपालमार्फत आयोजना विकास कार्य अगाडि बढाइनेछ ।
त्यस्तै गौतम बुद्ध अन्तर्राष्ट्रिय विमानस्थल र पोखरा अन्तर्राष्ट्रिय विमानस्थल पूर्ण क्षमतामा सञ्चालनमा ल्याइने पनि अर्थमन्त्री शर्माले जानकारी दिए । साभारःकान्तिपुर