मधेसखबर
वीरगन्ज,१४जेठः बाराको बिश्रामपुर गाँउपालिकाको कार्यपालिकाको ६ सदस्य चयनका लागि भएको निर्वाचनमा लोकतान्त्रिक समाजवादी पार्टी (लोसपा) का ५ जना सदस्य विजयी भएका छन् ।
बिश्रामपुर गाउँपालिकाको कार्यपालिका सदस्य चयनका लागि शनिबार भएको निर्वाचनमा ५ जना सदस्य लोसपाका र एक जना सदस्य नेकपा एमालेका निर्वाचित भएका हुन् । लोसपाबाट निर्वाचित हुनने कार्यपालिका सदस्यहरुमा विजय पण्डित , रागनी देवी नुनिया , उर्मिला देवी बिन , बिषमति देवी र पुणिमा कुमारी गुप्ता रहेका छन् । एमालेबाट भने राजेन्द्र पाल निर्वाचित भएका हुन् ।
शनिबार भएको कार्यपालिका सदस्य निर्वाचनमा लोसपा र एमालेले चुनावी तालमेल गरेका थिए ।
बिश्रामपुर गाँउपालिकाको प्रमुख र उप्रमुख पद लोसपाले नै जितेको छ ।