मधेसखबर
वीरगन्ज,११जेठः पर्साको पटेर्वासुगौली गाउँपालिकाका नवनिर्वाचित अध्यक्ष दिनेश चौधरीले आफनो कार्यकालमा पटेर्वासुगौली पालिकालाइ देशकै नमूना पालिका बनाउने प्रतिबद्धता जनाएका छन् ।
बुधबार गाँउपालिका कार्यालयमा आयोजित समारोहमा पालिकाका नवनिर्वाचित उपाध्यक्ष ममता महत्तो थारु सहितका नवनिर्वाचित जनप्रतिनिधीहरुलाइ पद तथा गोपनियताको शपथ ग्रहण गराउदै चौधरीले यस्तो प्रतिबद्धता जनाएका हुन् ।
काँग्रेसबाट निर्वाचित चौधरीले कृषि ,शिक्षा र स्वास्थ्यका काम आफनो मुख्य प्राथमिकतामा रहने पनि बताए ।
पालिकामा नवनिर्वाचित जनप्रतिनिधीहरुलाइ इमान्दारीता र कर्तब्यनिष्ठ भएर आफुले पाएको जिम्मेवारी निर्वाह गर्न आग्रह गर्दै नवर्विाचित अध्यक्ष चौधरीले भने ,‘ हाम्रो पालिकालाइ नमूना पालिका बनाउने अठोट लिएको छु , यसका लागि अनियमितता, अपारदर्शीता र भ्रष्टाचार न म गर्छु न अरु कसैले गरे सहन्छु ।
जनताका कामलाई प्राथमिकता दिएर काम गर्न वडाअध्यक्ष र सदस्यहरुलाइ अध्यक्ष चौधरीले आग्रह पनि गरे ।
सपथ ग्रहण समारोहमा गाउँपालिकाका प्रमुख प्रशासकिय अधिकृत सन्देश कुमार यादव, कांग्रेस नेता चन्द्रकिशोर चौधरी, गाउँपालिकाका कर्मचारी , राजनीतिक दलका नेता लगायतको उपस्थिती रहेको थियो ।