मधेस खबर
वीरगन्ज , २० बैशाख : भारतका प्रधानमन्त्री नरेन्द्र मोदी नेपाल भ्रमणमा आउने भएका छन् ।
दोश्रो पटक प्र्रधानमन्त्रीमा निर्वाचित भएपछि मोदी पहिलो पटक नेपाल भ्रमणमा आउन लागेका हुन् ।
मोदी सन् २०१४ मा भारतको प्रधानमन्त्री बनेपछि उनले विभिन्न समयमा तीन पटक नेपाल भ्रमण गरिसकेका छन् ।
यसपाली मोदी , बुद्ध पूर्णिमाको अवसरमा नेपाल भ्रमणमा आउन लागेका हुन् ।
जेठ २ गते परेको बुद्ध पूर्णिमा भन्दा एक दुइ अगाडि नै भारतीय प्रधानमन्त्री मोदी नेपाल भ्रमणमा जाने योजना भारत सरकारले बनाइरहेकोे खबर भारतीय पत्रिका द हिन्दूमा छापिएको छ ।उक्त समाचारमा लेखिएको छ, ‘सन् २०१९ मा पुनः प्रधानमन्त्री निर्वाचित भएपछि मोदीको यो पहिलो नेपाल भ्रमण हुनेछ ।’
भारतीय प्रधानमन्त्री मोदी , बुद्ध पूर्णिमाको अवसरमा लुम्बिनीमा हुने समारोहमा नेपालका प्रधानमन्त्री शेरबहादुर देउवा र भारतीय समकक्षी मोदी सहभागी हुने सम्भावना छ । त्यसैले मोदीको नेपाल भ्रमणको क्रममा द्विपक्षीय कुराकानी नहुने भारतीय पत्रिका द हिन्दूको समाचारमा उल्लेख छ ।
एक महिना अघि मात्रै (चैत तेश्रो साता) नेपालका प्रधानमन्त्री देउवाले भारतको औपचारिक भ्रमण गरेका थिए । त्यस बेला देउवाले मोदीलाइ नेपाल भ्रमणको निम्तो दिएका थिए ।