सर्लाही, ३१ वैशाखः सर्लाहीमा बिहीबार बिहान बसको ठक्करबाट एक पैदल यात्रुको मृत्यु भएको छ । मृतकको पहिचान भने खुल्न सकेको छैन ।
उदयपुरको गाईघाटबाट काठमाडौंतर्फ जाँदै गरेको बा.प्र.०१–००६ ख ९६७० नम्बरको बसले सर्लाहीको हरिवन नगरपालिका ११ स्थित कडरिया चोकमा पैदल हिँडिरहेका पुरुषलाई ठक्कर दिएको थियो ।
इलाका प्रहरी कार्यालय कर्मैयाका अनुसार दुर्घटनापछि प्रहरीले बस र चालकलाई नियन्त्रणमा लिएर अनुसन्धान अघि बढाएको छ । जिल्ला प्रहरी कार्यालय सर्लाहीका प्रवक्ता प्रहरी नायब उपरीक्षक सरोज राईले घटनाबारे थप अनुसन्धान भइरहेको जानकारी दिए ।