काठमाडौ,५चैत:फागुन २१ गते सम्पन्न प्रतिनिधि सभाको निर्वाचनमा राष्ट्रिय स्वतन्त्र पार्टीले १८२ सिटमा जित हात पार्दै बहुमत प्राप्त गरेको छ। रास्वपाले निर्वाचनअघि नै वरिष्ठ नेता बालेन्द्र शाहलाई प्रधानमन्त्रीको उम्मेदवार घोषणा गरेको थियो। रास्वपाले शाहकै नेतृत्वमा सरकार गठनको तयारी गरिरहेको छ।
योसँगै रास्वपा वरिष्ठ नेता बालेन्द्र शाहको चैत १३ गते प्रधानमन्त्री पदको शपथ ग्रहण कार्यक्रम निश्चित भएको छ।
सरकार गठनका विषयमा बिहीबार साँझ काठमाडौको रोयल सिंगी होटलमा रास्वपा शीर्ष नेताहरूले छलफल गरेका छन्। सभापति रवि लामिछाने, बरिस्ठ नेता बालेन्द्र शाह, उपसभापतिद्वय स्वर्णीम वाग्ले र डीपी अर्याल सहभागी उक्त छलफलमा सांसदहरुले शपथ लिएलगत्तै प्रधानमन्त्रीले शपथ ग्रहण गर्ने टुङ्गो लागेको हो।
‘आउँदो चैत १३ गते प्रधानमन्त्रीले शपथ ग्रहण गर्नुहुनेछ’, रास्वपा उपसभापति स्वर्णिम वाग्लेले भने।
संघीय संसद सचिवालयले चैत १२ गते २ बजे सांसदहरूको शपथ ग्रहण कार्यक्रम राखेको छ। त्यसलगत्तै सरकार गठन गर्ने रास्वपाले निर्णय गरेको हो।साभार:सेताेपाटी