वीरगंज ,फागुन १५ :निर्वाचन सुरक्षाका विषयमा गृह मन्त्रि ओम प्रकास अर्याल, कार्यावाहक प्रमुख निर्वाचन आयुक्त रामप्रसाद भण्डारीले मधेश प्रदेशका पर्सा , बारा , रौतहट लगायतका जिल्लाहरुमा सुरक्षा निकायका प्रमुख, निर्वाचन प्रमुख लगायतहरुसंग विशेष छलफल गरेका छन् ।
पर्साका प्रमुख जिल्ला अधिकारी भोला दाहालका अनुसार बारा र पर्साका सुरक्षा निकायका सुरक्षा प्रमुख , जिल्ला निर्वाचन प्रमुख लगायतसंग निर्वाचन सुरक्षा केन्द्रित छलफल गरेका छन् ।
जिल्लाहरुका मतदान केन्द्र ,मतदान स्थल , संवेदनशील मतदान केन्द्र र मतदान स्थलहरुको सुरक्षा व्यवस्थापनको तैयारीका बारेमा बुझिएको छ भने त्यसंग सम्बन्धित केही निदेर्शन पनि गृह मन्त्रि अर्याले दिएको प्रमुख जिल्ला अधिकारी दाहालले बताएका छन् ।
रौतहटका सहायक प्रमुख जिल्ला अधिकारी जितेन्द्र कुमार यादव भने निर्वाचन लक्षित जिल्लको सुरक्षा व्यवस्थापनको बारेमा बुझदै केही निर्देशन पनि दिएको जानकारी दिएका छन् । र केही दिन पहिले दुई समुदाय विचको विवादका विषयमा पनि छलफल भएको यादवले बताए । निर्वाचनको बेलामा पनि सुरक्षाको दृष्टिकोणले थप केही आवशयक परे संवेदनशिलताको हिसाबले केन्द्रबाट पनि व्यवस्थापनमा सहकार्य गर्ने गरी तैयारी भएको उनले बताए ।
यी क्षेत्रहरुमा पछिल्लो समय भएका साम्प्रादायिक तनाव जोडीएको सिमा क्षेत्र होलि आगवै परेको चाडवाडसंगै निर्वाचन लक्षित सुरक्षा व्यवस्थापनमा मधेश प्रदेश अन्तर्गतका जिल्लाहरुमा पर्न सक्ने चुनौती र समाधानबारेको रणनितिमा समेत छलफल भएको बताइएको छ ।