वीरगन्ज, ६फागुन : नेकपा एमालेका पूर्व केन्द्रिय सदस्य तथा वीरगन्जका मेडिकल व्यवसायी बसरुद्दीन अन्सारी नेपाली कांग्रेसमा प्रवेश गरेका छन्। एमालेको ११औँ महाधिवेशनमा केन्द्रीय सदस्य पदमा पराजित भएका अन्सारी बुधबार जनकपुरमा आयोजित नेपाली कांग्रेसको प्रतिज्ञा सभामा एमाले परित्याग गरि कांग्रेसमा प्रवेश गरेका हुन्।
कांग्रेस सभापति गगन थापा लगायतका शीर्ष नेताहरुले अन्सारीलाई पार्टीमा स्वागत गरे । अन्सारी यसअघि विभिन्न राजनीतिक दल फेर्दै एमालेमा गएका थिए। आसन्न निर्वाचनमा प्रतिनिधिसभा सदस्य पदका लागि एमालेबाट टिकटको आकांक्षा राखेका उनले टिकट नपाएपछि कांग्रेस रोजेको उनी निकट स्रोतले जनाएको छ।
स्रोतका अनुसार अन्सारीले आफ्ना निकट सहयोगीहरूलाई समेत टिकट दिलाउन एमाले नेतृत्वसँग पहल गरेका थिए। यसअघि उनी बैचारिक रुमा राजावादी,एमाले, माओवादीमा लगायतका दलमा रहेर पटक पटक चुनावपनि लडिसकेका छन् ।