वीरगंज २६,माघः पर्सा निर्वाचन क्षेत्र नम्बर–४ का नेपाली कांग्रेसका प्रतिनिधिसभा सदस्य उम्मेदवार नेता रमेश रिजालले जिराभवानी गाउँपालिका वडा नम्बर–१ बलुवा तथा वडा नम्बर–२ सेढ्वा क्षेत्रमा घरदैलो कार्यक्रमलाई निरन्तरता दिएका छन् ।
घरदैलो अभियानका क्रममा उम्मेदवार रिजालले स्थानीय जनतासँग प्रत्यक्ष भेटघाट गर्दै उनीहरूको समस्या, आवश्यकता र अपेक्षाहरू सुनेका छन्। कार्यक्रममा कांग्रेस कार्यकर्ता, समर्थक तथा स्थानीय नागरिकहरूको उल्लेखनीय सहभागिता रहेको थियो।
उम्मेदवार रिजालले लोकतन्त्रको रक्षा, विकास निर्माणको तीव्रता र जनताको अधिकार स्थापित गर्न नेपाली कांग्रेसलाई विजयी बनाउनुपर्ने बताए । उनले भने,“जनताको घर–आँगनमै आएर मैले यहाँका समस्या र पीडा बुझ्ने प्रयास गरेको छु । पर्सा क्षेत्र नम्बर–४ लाई विकासको नयाँ उचाइमा पु¥याउन कांग्रेसको नेतृत्व आवश्यक छ । शिक्षा, स्वास्थ्य, रोजगारी र पूर्वाधार विकासमा ठोस योजना सहित म तपाईंहरूसँग प्रतिबद्ध छु।”
उनले जनताको साथ र विश्वासले मात्र समृद्ध क्षेत्र निर्माण सम्भव हुने भन्दै आगामी निर्वाचनमा कांग्रेसलाई मत दिएर विजयी बनाउन आग्रह गरे । घरदैलो अभियान आगामी दिनहरूमा पनि क्षेत्रका विभिन्न गाउँ तथा टोलहरूमा निरन्तर सञ्चालन हुने जनाइएको छ।
