वीरगन्ज,२०माघःपर्साको बहुदरमाई नगरपालिकाका मेयर सिंघासन साह तेली जसपा परित्याग गरि नेकपा एमालेमा प्रवेश गरेका छन् ।तेली,२०७९ को स्थानीय तह निर्वाचनमा जसपा नेपालबाट मेयरमा निर्वाचित भएका थिए । त्यसपछि जसपा नेपालबाट विभाजित भएको अशोक राई नेतृत्वको जसपमा उनि प्रवेश गरेका थिए ।
मंगलबार वीरगन्जमा आयोति नेकपा एमालेको पर्सा जिल्ला स्तरीय बृहत कार्यकर्ता भेलामा तेलीसंगै जसपा र जसपा नेपालका नेताकर्यकर्ताहरु एमालेमा प्रवेश गरेका हुन् । कार्यक्रममा प्रमुख अतिथी तथा एमालेका केन्द्रिय उपाध्यक्ष रामबहादुर थापा बादलले तेलीसहितका नवप्रवेशीलाई एमाले पार्टीमा स्वागत गरे ।
एमाले पर्साका अध्यक्ष डा विश्वम्भर शर्माको अध्यक्षतामा भएको कार्यक्रममा एमालेका केन्द्रिय सदस्य प्रभु हजरा ,विजय सरावगी , निर्मला देवकोटा, पर्साका चार वटै निर्वाचन क्षेत्रका एमाले उम्मेदवारहरु प्रदीप यादव, रिमा यादव, रुपेश पाण्डे र जालिम मियाँ मन्सुरी लगायतकाको सहभागिता थियो ।