वीरगन्ज,१३फागुनःपरोपकारी संस्था उपकार नेपालले वीरगन्ज–१४ नयाँ टोल मुर्लीका ३० जना युवतीहरुलाई सिलाई कटाई तालिम दिएको छ ।
युवती र महिलाहरुलाई सीपमुलक तालिम दिएर आत्मनिर्भर बनाउने उदेश्यले उपकार सेवा नेपालले नयाँ टोलका युवतीहरुलाई दुई महिने तालिम दिएको हो ।
तालिमको समापना कार्यक्रममा तालिम सहभागीहरुलाई प्रमाणपत्र प्रदान गर्दै उपकार सेवा नेपालकी अध्यक्ष विद्याकुमारी सरावगीले दुई महिने तालिमले युवतीहरुलाई आत्मनिर्भर बनाउने अपेक्षा आँफुहरुले गरेको बताइन् । तालिम पश्चात अब घर वा कुनै टेलर्समा गएर काम गरेर आफ्नो आर्थिक अवस्थामा सुधार ल्याउन सकिने उनले बताइन् ।
तालिमको समापन कार्यक्रममा सामाजिक अभियन्ता प्रकाश थारु, संस्थाकी अभिभावक पदमादेवी सरावगी,सदस्य सुमन बगेडियार लगायतकाको पनि उपस्थिति थियो ।