वीरगन्ज,१८पुसःवीरगन्जमा गठित हिन्दु पत्रकार संघ नेपालको संगठन देशका सात वटै प्रदेशमा विस्तार गरिने भएको छ ।वीरगन्जमा शुक्रबार बसेको हिन्दु पत्रकार संघ केन्द्रीय कार्यसमितिको बैठकले संगठनको संरचनालाई सात वटै प्रदेश र ७७ वटै जिल्लामा विस्तार गर्ने निर्णय गरेको सचिव राजकुमार सर्राफले जानकारी दिए ।
यस्तै बैठकले संगठनका अन्य कार्यक्रम तथा गतिविधिहरूलाई क्रमिक रूपमा अगाडि बढाउने निर्णयपनि गरेको उनले बताए ।
यसैगरि बैठकमा नवनियुक्त कोषाध्यक्ष आनन्द पटेललाई विधिवत् रूपमा खाँदा ओढाई पदभार ग्रहण पनि गराइएको थियो ।
अध्यक्ष राजन रौनियारको अध्यक्षतामा बसेको बैठकमा उपाध्यक्ष विनोद पटेल, कोषाध्यक्ष आनन्द पटेल, सदस्यहरू सञ्जय कुशवाहा, राकेश कुमार साह लगायतकाको सहभागिता थियो ।