काठमाडौं,१मंसिर : नेपाल प्रिमियर लिग (एनपीएल)मा काठमान्डु गुर्खाजले विजयी सुरुवात गरेकाे छ। टियु क्रिकेट मैदानमा सोमबार भएको उद्घाटन खेलमा काठमान्डुले जनकपुर बोल्ट्सलाई ५ विकेटले पराजित गरेको हो।
जनकपुरले दिएको १३१ रनको लक्ष्य काठमान्डुले १८ ओभरमा ५ विकेटको क्षतिमा पूरा गरेको थियो। काठमान्डुका लागि बेन चार्ल्सवर्थले सर्वाधिक ४६ रन बनाए। त्यस्तै आका त्रिपाठीले ३९, मिलिन्द कुमारले १९ र जोह्न सिम्पसनले १३ रन बनाए।
जनकपुरका लागि अनिल साह, ललित राजबंशी, जन निकोल लोप्टी इटन र संजय कृष्णमूर्तिले १-१ विकेट लिए।
यसअघि टस हारेर ब्याटिङको निम्तो पाएको जनकपुर ५ विकेटको क्षतिमा १३० रन बनाएको थियो। जनकपुरका लागि ओपनर आशिफ शेखले अर्धशतकसहित सर्वाधिक रन प्रहार गरे। उनले ४१ बलमा ६ चौका र १ छक्कासहित ५४ रन बनाए। त्यस्तै मयन यादव ३४ रन र लहिरु समरकुन २२ रनमा अविजित रहे। अन्य खेलाडीले दोहोरो अंकको रन जोड्न सकेनन्।
काठमान्डुका लागि मिलिन्द कुमारले ३ र करण केसी र सन्तोष यादवले १-१ विकेट लिएका थिए।साभार:अन्नपूर्णपाेष्ट