वीरगन्ज,४ असोजःवीरगन्ज महानगरपालिका वडा नम्बर १६ नगवामा शनिबार जनमत पार्टीले आयोजना गरेको कार्यक्रममा दुई दर्जन बढी व्याक्तिहरु जनमत पार्टीमा प्रवेश गरेको जनमत पार्टीका पर्सा जिल्ला अध्यक्ष ओमप्रकाश सर्राफले जानकारी दिएका छन् ।
जनमत पार्टी पर्साद्वारा सञ्चालित भेटघाट तथा जनसंवाद कार्यक्रम अन्तर्गत शनिबार नगवाको कंकड टोलमा स्थानीय अगुवा शंकर महतोको नेतृत्वमा दुई दर्जन व्याक्तिहरु जनमत पार्टीमा प्रवेश गरेको अध्यक्ष सर्राफले दाबी गरेका हुन् ।
कार्यक्रममा अध्यक्ष सर्राफले जेनजी पुस्ताको एजेन्डा जनमत पार्टीले पहिलेदेखि नै बोकेर हिडेको बताए ।प्रत्यक्ष निर्वाचित कार्यकारी प्रमुख र दलिय सेन्डिकेट तोडेर प्रतिस्पर्धाको आधारमा संवैधानिक नियुक्तिहरु हुन पर्ने,भ्रष्टाचार अन्त्य हुनुपर्ने लगायतका एजेन्डा जनमत पार्टीकोपनि रहेको उनले बताए ।जेनजीको आन्दोलनपछि जनमत पार्टीप्रतिको क्रेज अझ बढ्दै गएको दबाीपनि उनले गरे ।
कार्यक्रममा जनमत पार्टीका केन्द्रिय सदस्यहरु विद्यालाल प्रसाद, रम्भा मिश्रा,श्याम शंकर चौरसिया, प्रदेशसदस्य शिव यादव ,राजनरायण मिश्र, भुपेन्द्र साह, महानगर अध्यक्ष महादेव शर्मा, क्षेत्रीय अध्यक्षहरु गगन देव यादव , डा.मनोज सरार्फ, नेताहरू निरन्जन कुशवाहा,किरण चौरसिया, मनोज पन्डित,हिरालाल राम,देवराज सरार्फ लगायतकाकोपनि सहभागीता रहेको थियो।