वीरगन्ज,२४असारःपर्साको पोखरिया नगरपालिकामा चालु आर्थिक वर्ष २०८१/८२ मा ज्यालादारी र करारमा नियुक्त गरिएका कर्मचारीहरूलाई जागीरबाट हटाइएको छ । गत सोमबार बसेको कार्यपालिका बैठकले चालु आर्थिक वर्ष २०८१/८२ मा ज्यालादारी र करारमा नियुक्त गरिएका कर्मचारीहरूलाई आगामी साउन १ गतेबाट हटाउने निर्णय गरेको पोखरिया नगरपालिकाका प्रमुख प्रशासकीय अधिकृत रामविनय कुमार सिंहले जारी गरेको सूचनामा उल्लेख छ ।
पोखरिया नगरपालिकामा चालु आर्थिक वर्ष २०८१/८२ मा ज्यालादारी र करारमा गरी करिब ३ सय ५० जना कर्मचारी नियुक्त गरिएको थियो ।
चालु आर्थिक वर्ष २०८१/८२ मा नगरपालिका कार्यालय , मातहतका वडा कार्यालय, स्वास्थ्य संस्था र विद्यालयमा ज्यालादारी र करारमा नियुक्त भएका कर्मचारी ,नगर प्रहरी,शिक्षक लगायतका कर्मचारीहरुको नियुक्ती बदर गर्ने निर्णय कार्यपालिका बैठकले गरेको सिंहले जारी गरेको सूचनामा उल्लेख छ ।
नियुक्ति बदर गरिएका कुनै कर्मचारीलाई कामकाज खटाएमा वा हाजिर गराएमा सम्बन्धित शाखा वा संस्था प्रमुख जिम्मेवार हुने प्रमुख प्रशासकीय अधिकृत सिंहले जारी गरेको सूचनामा उल्लेख छ ।
