वीरगन्ज,२जेठःवीरगन्ज–१५ स्थित नेशनल मेडिकल कलेज तथा शिक्षण अस्पतालद्वारा आयोजित निःशुल्क स्वास्थ्य शिविरबाट २०८ जनाले लाभ लिएका छन् ।वीरगन्ज–१० घडिअर्वापोखरी परिसरमा आयोजित शिविरबाट उनिहरुले लाभ लिएका हुन् ।
घडिअर्वा पोखरी परिसरमा बिहानको समयमा मर्निङ वाक गर्नेहरुलाई लक्षित गरेर आयोजित शिविरमा नेशनल मेडिकल कलेज तथा शिक्षण अस्पतालका चिकित्त्सक र स्वास्थ्यकर्मीहरुको टोलीले स्वास्थ्य परिक्षण गर्नुका साथै आवश्यक परामर्शपनि दिएको थियो ।
मेडिकल कलेजका निर्देशक डा. इसरत जहाँ अन्सारीको अध्यक्षतामा आयोजित शिविरमा डा. इमरान अली.डा उदित यादव, डा. राशिद कलाम , डा. विवेक भारती लगायतकाले बिरामीहरूको जाँच तथा परामर्श दिएका थिए ।
शिविरमा मेट्रोन विकास गुप्ता तथा प्रेस प्रतिनिधि आसिक अन्सारीको पनि उपस्थिति रहेको थियो।