वीरगन्ज, २५ साउन : वीरगन्ज महानगरपालिका वडा नम्बर २ छपकैयास्थित आधरभूत स्वास्थ्य केन्द्रमा आयोजित निशुल्क आँखा शिविरमा १६० जनाको आँखा जाँच गरिएको छ ।
वीरगन्ज सामुदायिक आँखा अस्पतालको सहयोगमा सामुदायिक सेवा केन्द्र तथा सामुदायिक प्रहरी सेवा छपकैयाले आयोजना गरिएको शिविरमा आँखा जाँच गराएकामध्ये ३० जनाममा मोतिया बिन्दुको समस्या भेटिएको छ ।
सामुदायिक सेवा केन्द्र छपकैयाका अध्यक्ष ग्यासुदिन ठकुराईको अध्यक्षतामा आयोजित शिविरको उद्घाटन वीरगन्ज महानगरपालिकाका उपमेयर इम्तियाज आलमले गरेका थिए ।
त्यसअवसरमा वडा नम्बर २ का वडाध्यक्ष महमद रेयाज मियाँ तेली , सामुदायिक आँखा अस्पतालका मेडिकल संयोजक महेश सिंह धामी, वडा सदस्यहरु बसिर मियाँ हजाम, रम्भा देवी, सामुदायिक सेवा केन्द्रका वरिष्ठ उपाध्यक्ष अब्दुल हक, सचिव प्रबिण बिक्रम शाह , कोषाध्यक्ष प्रेम कुमारी सिंह लगायतकोपनि उपस्थित रहेको थियो ।