काठमाडौं,१२बैशाख :राष्ट्रिय एकता अभियानले भारतको जम्मू–कश्मीरको पहलगाममा भएको आतंककारी हमलाको भत्र्सना गरेको छ ।काठमाडौंको रिपोर्टर्स क्लब नेपालमा शुक्रबार आयोजित पत्रकार सम्मेलनमा राष्ट्रिय एकता अभियानले उक्त घटनाको घोर भत्र्सना गरेको हो ।
भारतको जम्मू–कश्मीरको पहलगाममा भएको आतंककारी हमलाले नेपाली र विश्वभरीका हिन्दु समुदाय दुःखीत भएको भन्दै अभियानले निर्दोष नागरिकको ज्यान जाने यस्ता बर्बर र अमानवीय घटनाले मानव समुदायलाई पीडित बनाएको जनाएको छ ।
नेपाल जहिले पनि शान्ति, सहअस्तित्व र मानवअधिकारको पक्षमा उभिँदैआएको भन्दै अभियानले यस्ता आतंकवादी गतिविधिको घोर भत्र्सना गर्दै भारत सरकार र भारतीय जनताप्रति यस दुःखद् घडीमा साथमा रहेको जनाएको छ ।
राष्ट्रिय एकता अभियानका अध्यक्ष विनय यादवले जम्मू–कश्मीरमा आतंककारीहरुले धर्म सोधीसोधी मारेको बताए । ती आतंकारीहरुको निशाना भारतमात्रै नभएर विश्वका हिन्दु समुदाय रहेको उनले बताए । राष्ट्रिय एकता अभियानकी सदस्य लक्ष्मी ज्ञवाली, दयाराम पाण्डेय लगायतले जम्मू–कश्मीरको पहलगाममा भएको आतंककारी घटनाको भत्र्सना गर्दै दुःख व्यक्त गरे।