प्रमोद यादव
पर्सा,२१पुसःपर्साको राष्ट्रिय वनमा दाउरा लिन गएका एक पुरुष मृत अवस्थामा भेटिएका छन् ।पर्साको पर्सागढी नगरपालिका वडा नम्बर ४ हरदासपुरका ४५ वर्षीय हृदेश पटेल जंगलमा मृत भेटिएका हुन्।
परिवारका सदस्यका अनुसार, पटेल शनिबार बिहान खाना खाएर दाउरा लिनका लागि घरबाट जंगल गएका थिए । उनको मृत्यु कुन कारणले भएको हो भन्ने बारेमा अहिलेसम्म खुलेको छैन्।
पटेलको शव पोष्टमार्टमका लागि वीरगन्जस्थित नारायणी अस्पतालमा पठाईएको र घटनाबारे प्रहरीले अनुसन्धान गरिरहेको जिल्ला प्रहरी कार्यालय पर्साले जनाएको छ ।