काठमाडाैं,१८असाेज:नेपाल सम्मिलित त्रिदेशीय टी–२० क्रिकेट सिरिजको उपाधि क्यानाडाले जितेको छ ।
बिहीबारराति भएको खेलमा ओमानलाई ५ विकेटले हराउँदै शीर्ष स्थानमा रहेर क्यानाडाले त्रिदेशीय टी–२० सिरिजको उपाधि जितेको हो । ओमानले दिएको ८३ रनको लक्ष्य क्यानाडाले १४ ओभर १ बलमा ५ विकेट गुमाएर भेटायो । क्यानाडाका लागि निकोलस किर्ताेनले २० रन बनाए । ओमानका कलीमुल्लाह र अकिब इलियासले समान २/२ विकेट लिए ।
यसअघि क्यानाडाको किङ्ग सिटीमा टस हारेर ब्याटिङ गरेको ओमान १९ ओभर ४ बलमा ८२ रनमा अलआउट भएकाे थियाे । ओमानका अकिब इलियासले सबैभन्दा धेरै ३५ रन बनाए । क्यानडाका अखिल कुमार र प्रभीन कुमारले समान ३/३ विकेट लिए ।
त्रिदेशीय टी–२० सिरिजमा क्यानाडा ४ खेलमा ६ अङ्क जोड्दै शीर्ष स्थानमा रह्यो । नेपाल ४ खेलमा ४ अङ्कसहित दोस्रो र ओमान ४ खेलमा २ अङ्कसहित अन्तिममा रह्यो ।