वीरगन्ज,३२साउनःवीरगन्जमा शुक्रबार रास्ट्रिय दलित पत्रकार संघ पर्साले आयोजना गरेको निःशुल्क आँखा जाँच शिविरमा १०२ जनाको आँखा परिक्षण गरिएको छ ।
वीरगन्ज महानगरपालिका वडा नम्बर ८ गहवामा आयोजित शिविरमा १०२ जनाको आँखा परीक्षण गरिएको हो । परीक्षण गरिएकामध्ये २५ जनामा मोतिया बिन्दुको समस्या भेटिएको संघका अध्यक्ष श्याम पासवानले जानकारी दिए।उनिहरुको भदौं २ गते वीरगन्ज सामुदायिक आँखा अस्पतालमा निःशुल्क शल्यकृया गरिनेपनि उनले बतााए ।
शुक्रबारको शिविरमा वीरगन्ज सामुदायिक आँखा अस्पतालका स्वास्थ्यकर्मीले आँखाको जाँच गरेका थिए । शिविरको उद्घाटन नेकपा ( एकीकृत समाजबादी ) पर्साका अध्यक्ष बालगोपाल थापाले गरेका थिए ।
संघका अध्यक्ष पासवानको अध्यक्षतामा भएको शिविरमा संघका सल्लाहकारद्वय बृजलाल पासवान र सुभाष राम, उपाध्यक्ष सुरेश बादल ,दलित अभियान्ता नीला राम ,स्थानीय अगुवा उमेश ठाकुर,वडासदस्य संगीता दास लगायतकोपनि उपस्थिती रहेको थियो ।