वीरगन्ज,१४असार:इंग्ल्यान्डलाई हराउँदै भारत टी-२० विश्वकप क्रिकेटको फाइनलमा प्रवेश गरेकाे छ।दाेस्राे तथा अन्तिम सेमिफाइनल खेलमा इंग्ल्यान्डलाई ६८ रनले हराउँदै भारतले फाइनलमा स्थान पक्का गरेकाे हाे।
वेस्ट इन्डिजको गयानामा भएको खेलमा १ सय ७२ रनको लक्ष्य पछ्याँदै जवाफी ब्याटिङमा उत्रिएको इंग्ल्यान्डले १६.४ ओभरमा अलआउट हुदैं १ सय ३ रनमात्र बनाउन सक्याे।उसका लागि ब्रुकले २५ र जाेस बट्लरले २३ रन बनाए।
भारतका लागि अक्षर पटेल र कुलदीप यादवले समान ३/३ विकेट तथा जसप्रित बुमराहले २ विकेट लिए।
त्यसअघि टस हारेर पहिले ब्याटिङ गरेको भारतले निर्धारित २० ओभरमा ७ विकेट गुमाएर १ सय ७१ रन बनाएकाे थियो ।
भारतका लागि कप्तान रोहित शर्माले ३९ बलमा ६ चौका र २ छक्काको सहयोगमा ५७ रनको अर्धशतकीय ईनिङ खेले । सुर्यकुमार यादवले ३६ बलमा ४ चौका र २ छक्काको सहयोगमा ४७ रन बनाए ।
हार्दिक पान्ड्याले १३ बलमा २३ तथा रविन्द्र जडेजाले ९ बलमा अविजित १७ रन बनाए ।
इंग्ल्यान्डका लागि क्रिस जोर्डनले ३ तथा जोफ्रा आर्चर, रिच टोप्ले, साम करन र आदिल राशिदले समान १/१ विकेट लिए ।
अब भारतले उपाधिका लागि दक्षिण अफ्रिकासँग शनिबार हुने फाइनल खेलमा प्रतिस्पर्धा गर्नेछ ।