वीरगन्ज,७असार:वीरगन्जमा भारतबाट तस्करी गरी ल्याएर राखिएको ठूलाे परिमाणको रासायनिक मल प्रहरीले बरामद गरेकोे छ।वीरगन्ज महानगरपालिका वडा नम्बर १६ नगवास्थित वैष्णाेदेवी मन्दिर अगाडिको बृजकिशाेर महताेकाे घरमा गाेदाम बनाएर भण्डारण गरी राखिएको अवस्थामा ५० केजी ताैलका ७१२ बाेरा मल प्रहरीले बरामद गरेको हाे।
विशेष सुचनाका आधारमा जिल्ला प्रहरी कार्यालय पर्साबाट खटिएको प्रहरी टाेलीले नवलपरासीको कावासाेतीका ज्ञान बहादुर महताेले नगवाका बृजकिशाेरकाे घर भाडामा लिएर गाेदाम बनाई भण्डारण गरेर राखेकाे ७१२ बाेरा मल बुधबार साँझ बरामद गरेकाे प्रहरी उपरीक्षक कुमाेध ढुंगेलले जानकारी दिए।
मलसंगै ज्ञान बहादुरलाईपनि नियन्त्रणमा लिइएको प्रहरी उपरीक्षक ढुंगेलले जानकारी दिए।बरामद उक्त मलकाे बजार मूल्य अन्दाजी १० लाख रुपैयाँ रहेकाे उनले बताए ।
बरामद मल र पक्राउ परेका ज्ञान बहादुरलाई शुक्रबार आवश्यक कारबाहीका लागि वीरगन्ज भन्सार कार्यालयमा बुझाइएको प्रहरी उपरीक्षक ढुंगेलले जानकारी दिए।