वीरगन्ज,१६पुसःतस्करीको आशंकामा प्रहरीले वीरगन्जबाट ७६ लाख भन्दा बढी मूल्यका सामानसहितको एउटा मालवाहक ट्रक नियन्त्रणमा लिएको छ । वीरगन्जबाट जनकपुरतर्फ जाँदै गरेको ना. ८ ख ४१२४ नम्बरको ट्रक प्रहरीले वीरगन्ज–२१ ह्नुमानचोकबाट नियन्त्रणमा लिएको हो ।
उक्त ट्रकमा बिलबिजक भन्दा बढी परिमाणका ७६ लाख ७५ हजार ४५१ रुपैयाँ मूल्यका औषधि र अन्य खुद्रा सामान फेला परेपछि सामानसहितको उक्त ट्रक नियन्त्रणमा लिइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक किशोर लम्सालले बताए ।
नियन्त्रणमा लिइएको सामानसहितको ट्रक आवश्यक अनुसन्धान तथा कारबाहीका लागि बाराको पथलैयास्थित राजश्व अनुसन्धान कार्यालयमा मंगलबार बुझाइएको जानकारी लम्सालले दिए ।