काठमाडौं,१७जेष्ठ: :सरकारले भन्सार दर बढाएसँगै सुनको मूल्य ह्वात्तै बढेको छ।सरकारले आगामी आर्थिक बर्ष २०८१÷०८२ को बजेटमा सुनमा भन्सार दर बढाएर २० प्रतिशत कायम गरेको छ। यसअघि सुनको भन्सार दर १५ प्रतिशत मात्रै थियो।
नेपाल सुन–चाँदी व्यवसायी महासंघका अनुसार बिहीबार छापावाल सुनको मूल्य प्रति तोला १ लाख ४० हजार ५०० रुपैयाँ कायम भएको छ। तेजाबी सुनको मूल्य तोलाको १ लाख ३९ हजार ८०० रुपैयाँ पुगेको छ।
बुधबार छापावाल सुन प्रतितोला १ लाख ३८ हजार २०० रुपैयाँमा कारोबार भएको थियो।बिहीबार चाँदीको मूल्य भने घटेको छ। ३० रुपैयाँले घटेर प्रतितोला चाँदी १ हजार ९०० रुपैयाँमा कारोबार भइरहेको महासंघले जनाएको छ।