Madhes Khabar
राजनीति हेडलाइन

वीरगन्जबाट केपी ओलीको गर्जन : कांग्रेस सहमतिमा नआएपनि नीति,कार्यक्रम र बजेट पास हुन्छ

वीरगन्ज,०४जेष्ठःनेकपा एमालेका अध्यक्ष केपी शर्मा ओलीले नेपाली कांग्रेसले नमानेपनि सरकारले नीति तथा कार्यक्रम र बजेट संसदबाट पारित गर्ने बताएका छन् ।

वीरगन्जमा शुक्रबार आयोजित नेकपा एमाले पर्साको नवनिर्वाचित जिल्ला कमिटीका पदाधिकारी र सदस्यहरुको शपथ ग्रहण कार्यक्रमलाई सम्बोधन गर्दै एमाले अध्यक्ष ओलीले भने,‘ यदि सहमतिमा आएर कांग्रेस मान्छ भने मान्छ । यदि मान्दैन भने हामीले नीति तथा कार्यक्रम जसरी हुन्छ पारित गरेर बजेट संसदमा पेश गरेरै छाड्छौं।’

सरकारबाट बाहिरिनु परेको पिडाको कुण्ठामा कांग्रेस आँफै रुमल्लिएको र देशलाईपनि अल्झायाएर राखेको आरोप ओलीले लगाए ।

उनले गृहमन्त्री तथा रास्वपा अध्यक्ष रवि लामिछानेलई एमालेले बोकी रहनुपर्ने कुनै आवश्यक नभएको भन्दै ओलीले एमाले भ्रष्टचारीहरुको आखडा नभएको बताए । एमालेले आँफुलेपनि भ्रष्टचार नगर्ने र अरुलाईपनि भ्रष्टचार गर्न नदिने पार्टी भएको ओलीको भनाई थियो ।

ओलीले भने,‘सरकारबाट बाहिरिनु पर्र्दा कांग्रेसले खिसियाइ बिल्ली खम्बा नोचे भने झै संसदमा वितण्डा मच्चाइरहेको छ । खाँबो चिथोर्ने कुरा बिरालोलाई सुहाउँछ , कांग्रेसलाई सुहाउँदैन । कांग्रेसलाई मरो यहि आग्रह छ ।

बुधबार संसद बैठकमा कांग्रेसका सांसदहरु आँफु बसेकै ठाँउमा हुल बाँधी आएर हातपातै गर्ने जस्तो गर्न थालेपछि आँफुले त्यसो नगर्न आग्रह गर्दा अझ उग्रता प्रदर्शन गरेको उनले बताए । त्यसपछि कांग्रेस महामन्त्री गगन थापाले पत्रकार सम्मेलन गरेर केपी ओलीले वातावरण बिगारेको भनेर झुठ र बेयमनी कुरा गरेको उनले आरोप लगाए ।

उनले एमाले पार्टीमा अब गुटबन्दी नचल्नेपनि बताए । ओलीले भने,‘ एमाले मिसन ८४ को नारा लिएर अगाडि बढेको छ । त्यसका कारण विपक्षीसंग लड्ने बेलामा यदि पार्टीभत्र कसैले गुटबन्दी गर्यो भने सोझै कारबाही हुन्छ ।

मिसन ८४ को नारालाई निर्णायक तहमा पुरयाउने संकल्प लिएर एकजुटताका साथ अगाडि बढ्न नेताकार्यकर्तालाई निर्देशन दिदै ओलीले पर्साका चार वटै संसदीय निर्वाचन क्षेत्र, आठ वटै प्रदेश सभा निर्वाचन क्षेत्र र १४ वटै पालिकामा एमालेले २०८४ को निर्वाचन जित्नुपर्ने बताए ।

Related posts

मेरो जितको आधार स्वस्फूर्त लागेका मतदाता हुन् : स्वतन्त्र उम्मेद्वार रुपेशमान

MadhesKhabar

मंगलबार मासु–माछा नखाने चलनले तराई–मधेसमा होली भोली मनाइने

MadhesKhabar

वरीष्ठ पत्रकार चन्द्रकिशोर र डा.संदुकलाई यस वर्षको कर्मयोगी बद्रीविक्रम थापा स्मृति पुरस्कार प्रदान गरीदै

MadhesKhabar

Leave a Comment