काठमाडौं,२जेष्ठ:नेपाली बजारमा सुनको भाउ आज बुधबार एकै दिन तोलामा १ हजार रुपैयाँले बढेको छ । आज सुनको भाउ तोलाकाे १ लाख ३८ हजार ४ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
यसअघि हिजो मंगलबार सुनको भाउ तोलाको १ लाख ३७ हजार ४ सय रुपैयाँ रहेको थियो ।
पछिल्ला केही दिनयता सुनको भाउमा उतारचढाव भइरहेको छ । हिजो सुनको भाउ सात सय रुपैयाँले घटेको थियो ।
त्यस्तै आज चाँदीको भाउ पनि तोलाको ५ रुपैयाँले बढेको छ । चाँदी आज तोलामा १ हजार ७ सय ४५ रुपैयाँमा कारोबार भइरहेको महासंघले जनाएको छ।