काठमाडौं,२८पुष: प्रधानमन्त्री कप एकदिवसीय राष्ट्रिय क्रिकेट प्रतियोगितामा मधेस प्रदेशले विजयी सुरुवात गरेकाे छ।
शनिबारदेखि सुरु भएको प्रतियोगिताको पहिलाे दिन भएको खेलमा मधेस प्रदेशले कोशी प्रदेशलाई ७ विकेटले पराजित गरेको छ।
काेशीले दिएको १२८ रनको लक्ष्य मधेसले २०.१ ओभरमा ३ विकेट गुमाएर पार गर्यो। मधेसका लागि अनिल साहले सर्वाधिक ८८ रनको योगदान गरे। उनले ५४ बलमा १४ चौका र ३ छक्का प्रहार गरे।
यसअघि टस हारेर पहिले ब्याटिङ गरेको कोशी ४१ ओभरमा १२७ रनमै अलआउट भएकाे थियाे। कोशीका लागि कप्तान अंकित सुवेदीले ४० रन र फिर्दोस अन्सारीले ४१ रन जोड्दा अरु ब्याटरले दोहोरो अंकमा रन जोड्न सकेनन्।
बलिङमा मधेसका प्रदीप पासवानले ३ विकेट लिए भने राजेश यादव, रन्जित कुमार र पवन सर्राफले २-२ विकेट लिए।