वीरगन्ज,७असोज : दोस्रो एकदिवसीय क्रिकेटमा भारतले अस्ट्रेलियालाई ४०० रनको विशाल लक्ष्य दिएको छ ।भारतको इन्दोरमा आइतबार भइरहेको खेलमा टस हारेर पपहिले ब्याटिङको निम्तो पाएको भारतले निर्धारित ५० ओभरमा ५ विकेट गुमाएर ३ सय ९९ रन बनाएको हो।
भारतका लागि शुभमन गिल र श्रेयस अय्यर दुवैले शतक बनाए । गिल १०४ र अय्यर १०५ रन बनाएर आउट भए ।यस्तै सूर्यकुमार यादवले नटआउट ७२, कप्तान केएल राहुलले ५२ र इशान किशनले ३१ रन बनाए । बलिङतर्फ अस्ट्रेलियाका क्यामरन ग्रीनले २ तथा जोश हेजलवुड, सेन एबोट र एडम जम्पाले १/१ विकेट लिए ।
तीन खेलको एकदिवसीय शृंखलामा भारत १–० ले अघि छ । पहिलो एकदिवसीयमा भारतले अस्ट्रेलियालाई ५ विकेटले हराएको थियो ।