वीरगन्ज,२७कार्तिक:राैतहटमा चक्कु प्रहारबाट घाइते भएका एक युवककाे उपचारका क्रममा मृत्युु भएकाे छ।
गत शनिवार चक्कु प्रहारबाट घाइते भएका रौतहटको राजदेवी नगरपालिका – ६ का २० वर्षीय युवक राहुल साहको उपचारको क्रममा मृत्यु
भएको हो ।
सामान्य विवादमा तीन जनाको समूहले साहमाथि चक्कु प्रहार गरेका थिए । चक्कु प्रहारबाट घाइते भएका साहको बाराकाे नाैतनस्थित एलएस न्यूरो अस्पतालमा उपचार भइरहेको थियो । उनको आज सोमबार बिहान उपचारको क्रममा मृत्यु भएको अस्पताल प्रशासनले जनाएको छ ।
चक्कु प्रहार गर्नेमध्ये एक जनालाई प्रहरीले पक्राउ गरेको छ । चक्कु प्रहार गर्नेमध्ये अन्य दुई जनाको खोजी कार्य जारी रहेको रौतहट प्रहरीले जनाएको छ ।
साथै घटनाबारे पनि अनुसन्धान भइरहेको जिल्ला प्रहरी कार्यालय रौतहटले जनाएको छ ।