Madhes Khabar
अर्थतन्‍त्र

भारतले नेपाललाई २५ हजार मेट्रिक टन चिनी दिने

काठमाडौं,१७कार्तिकः भारतले नेपाललाई २५ हजार मेट्रिक टन चिनी दिने भएको छ । नेपाली बजारमा चिनीको अभाव देखिएपछि नेपालले भारतलाई चिनीमा लगाएको प्रतिबन्ध हटाउन आग्रह गरेको थियो ।

भारतबाट तत्कालका लागि २५ हजार मेट्रिक टन चिनी आउने जानकारी प्राप्त भएको वाणिज्य, आपूर्ति तथा उपभोक्ता संरक्षण विभागका महानिर्देशक तीर्थराज चिलुवालले बताए ।उनका अनुसार भारतबाट जीटूजी (सरकार सरकार) मार्फत चिनी आउन लागेको हो ।

जीटूजीमार्फत आउन लागेकाले नेपालले चाहेको समयमा यो परिमाणको चिनी खरिद गरेर ल्याउन सक्नेछ । शनिबार र आइतवार भारतमा सरकारी बिदा हुने भएकाले त्यसपछि मात्र चिनी आयात हुने सम्भावना छ । भारतबाट चिनी आएपछि अहिलेको भन्दा भाउ केही सस्तो हुनेछ । अहिले बजारमा कालोबजारीसँगै चिनीको कृत्रिम अभाव भइरहेको छ ।

चाडपर्वको मौका छोपेर केही व्यापारीले चिनी लुकाएको आशङ्का गरिएको छ । सरकारले चिनीका गोदामहरुमा छापा मार्न प्रहरीलाई निर्देशन दिइसकेको छ । यस्तै, चिनीको अभाव हटाउन उद्योगीहरुसँग मौज्दातमा रहेको चिनी पनि बजार पठाउन थालिएको छ ।

 

 

Related posts

असोज महिनाका लागि पनि बैंकहरुले घटाए ब्याजदर

MadhesKhabar

दुई महिनामा विदेशबाट करिब ३ करोडको प्याज आयात

MadhesKhabar

भारतले प्याजमा लगायो ४० प्रतिशत निर्यात कर, अब नेपालमा महँगिने

MadhesKhabar

Leave a Comment