मधेसखबर
वीरगन्ज,७ बैशाख : बारा २ मा जनता समाजवादी पार्टीका अध्यक्ष उपेन्द्र यादवलाई जिताउन प्रधानमन्त्री सहित पाँच दलीय गठबन्धनका शीर्ष नेताहरु आफै बारामा पुगेर मतदातालाई आह्वान गरेका छन् ।
बिहीबार बाराको बरियापुरमा आयोजित गठबन्धनको चुनावी आमसभालाई सम्बोधन गर्दै प्रधानमन्त्री पुष्कमल दाहाल प्रचण्ड सहित पाँच दलका शीर्ष नेताहरुले उपेन्द्र यादवले जिते गठबन्धन र अहिलेको सरकार पाँच वर्ष सम्म टिक्ने दाबी गरे ।गठबन्धन र सरकारलाई पाँच वर्षसम्म टिकाउन बारा २ मा जसपा अध्यक्ष यादवको जित आवश्यक भएको पनि उनिहरुले बताए । यादवलाई जिताउन आह्वान गर्ने क्रममा उनिहरुले बारा २ को विकास र समृद्धिका लागि विभिन्न महत्वकांक्षी योजनाहरु ल्याउने आश्वासन पनि मतदातालाई दिए ।
आमसभालाई सम्बोधन गर्दै प्रधानमन्त्री एंव नेकपा माओवादी केन्द्रका अध्यक्ष प्रचण्डले पाँच दलीय गठबन्धनलाई मजबुत बनाउन बारा २ बाट उपेन्द्र यादवको जित अति आवश्यक भएको बताए । यसका साथै संविधान , लाकेतन्त्र र मधेसका अधिकारको रक्षाको निम्ति पनि संसदमा उपेन्द्र यादवको उपस्थिती आवश्यक भएको उनले बताए ।
प्रचण्डले भने,‘साच्चै भन्नु पर्दा गठबन्धनमा उपराष्टपति पद माओवादीको भागमा परेको थियो तर उपेन्द्र जीले नै जसपालाई एउटा राम्रो पद चाहियो भेृपछि ल तपाइ नै लिनुस् भनेर मैले रामसहाय यादवलाई छोडेको हु , आज यो कुरा भन्न पाउँदा मलाई उप्न्द्र जीमाथि गर्व महससु भइरहेको छ ।
उपेन्द्र यादव जस्तो विकासप्रेमी र योग्य नेता पाउने बारा २ का जनता साच्चै भाग्यमानी भएको उनले् बताए । प्रधानमन्त्री प्रचण्डले भने,‘ बारा २ मा उपेन्द्र यादवले मात्रै जित्दै हुनुहुन्न्न पाँच दलीय गठबन्धनले नै जित्दैछ , पाच दलीय गठबन्धनले मात्रै होइन यो देशको संघीय लोकतान्त्रिक गणतन्त्रले पनि जित्दैछ । मधेस र पहाड बिचको राष्ट्रिय एकताले पनि जित्दैछ ।
यसैक्षेत्रबाट निर्वाचित रामसहाय प्रसाद यादव उपराष्ट्रपतिमा निर्वाचित भएर बारा २ खाली भएपछि उपेन्द्र यादवलाई आफुले नै उपनिर्वाचन लड्न पठाएको प्रधानमन्त्री प्रचण्डको जिकिर थियो । उनले भने,‘ बारा २ खाली भएपछि मैले नै उपेन्द्र जीलाइै जानुस् चुनाव जितेर आउनुस् भनेर पठाएको हु । बारा २ मा गठबन्धनका उम्मेदवार यादवको विजय भनेको मधेसको विजय हुनेछ , देशको विजय हुनेछ , लोकतन्त्रको विजय हुनेछ , गठबन्धनको विजय हुनेछ ।
बारा २ मा उपेन्द्र यादवलाई जिताउनका लागि प्रधानमन्त्री प्रचण्डले बारामा विभिन्न महत्वकांक्षी योजनाहरुको आश्वासन पनि दिए । उनले राष्ट्रिय गौरबको आयोजना निजगढ अन्र्तराष्ट्रिय विमानस्थलको छिट्टै शिलान्यास गरि निर्माणको काम सुरु गरिने बताए ।
विश्वप्रसीद्ध महागढीमाई मन्दिरलाई धार्मिक पर्यटन स्थलका रुपमा विकास गर्न सरकारले गढीमाई विकास कोष स्थापना गरि काम अगाडि बढाउने उनले बताए ।
छिट्टै नागरिकता विधेयक राष्ट्रपतिबाट प्रमाणीकरण गराएर नागरिकताको समस्या पनि समाधान गरिने उनले बताए ।
प्रचण्डलले भने,‘ बारा २ बाट उपेन्द्र यादवलाई जिताएर पठाउनुस् , बारा मात्र होइन मधेसमा विद्यमान सबै समस्याहरुको समाधान गर्ने जिम्मा पाँच दलीय गठबन्धनको हुनेछ , प्रधानमन्त्रीको हैसियतले म सधैं उपेन्द्र यादव जीको साथमा खडा रहनेछु ।
नेपाली कांग्रेसका सभापति एंव पुर्वप्रधानमन्त्री शेरबहादुर देउवाले उपेन्द्र यादव अत्यन्तै योग्य र कर्मठ नेता भएकाले अत्याधिक मत दिएर जिताउन बारा २ का मतदातलाई अपिल गरे ।
देउवाले भने,‘ म प्रधानमन्त्री भएका बेला मन्त्रीका रुपमा रहदा उपेन्द्र जीले मधेसका लागि पटक पटक झगडा गर्नु हुन्थ्यो , त्यसकारण बारा र मधेसका लागि उहाँको जतिको योग्य र कर्मठ नेतालाई जिताएर संसदमा पठाउन अतिआवश्यक छ । यादवको जितले पाँच दलीय गठबन्धनलाई अझ मजबुत बनाउने उनको पनि भनाई थियो ।
नेकपा एकिकृत समाजवादीका अध्यक्ष एंव पूर्वप्रधानमन्त्री माधव कुमार नेपालले उपेन्द्र यादव मधेसका मात्र नभइ पुरा देशको नेता भएको जिकिर गरे । नेपालले भने,‘ यदि पाँच दलीय गठबन्धन मजबुत भयो भने यो सरकारलाई पाँच वर्ष सम्म कसैले हल्लाउन पनि सक्दैन , त्यसैले यो गठबन्धनलाई मजबुत बनाउन पनि बारा २ बाट उपेन्द्र यादवको जित अपरिहार्य छ ।
आमसभामा सहभागी जनताको उपस्थितीले पनि बारा २ मा गठबन्धनका उम्मेदवार यादवको जित सुनिश्चित भएको संकेत गरेको पनि नेपालले बताए । उनले भने,‘ आजको यो जनसागर देख्दा भन्न मन लाग्यो जित गया भाई जित गया उपेन्द्र यादव जित गया (जितीसक्यो भाइ जितिसक्यो उपेन्द्र यादवले जितिसक्यो ) ।नेपालले पनि निजगढ अन्र्तराष्ट्रिय विमानस्थल यहि गठबन्धन सरकारले निर्माण गर्ने दाबी पनि गरे । उनले भने,‘ छिट्टै सरकारले निजगढ अन्र्तराष्ट्रिय विमानस्थलको शिलान्यास गरेर निर्माणको काम सुरु गर्छ ।
जसपाका अध्यक्ष एंव बारा २ मा गठबन्धनका साझा उम्मेदवार उपेन्द्र यादवले रामसहाय यादव उपराष्ट्रपतिमा निर्वाचित भएपछि खाली भएको बारा २ मा पाँच दलीय गठबन्धनका शीर्ष नेताहरुले आफुलाई चुनाव लड्न पठाएको बताए ।यादवले भने,‘ बाराका जनताको सेवा र विकासका लागि प्रधानमन्त्रीसहित गठबन्धनका शीर्षनेताहरुले नै मलाई बारा २ मा चुनाव लड्न पठाउनु भएको हो ।
बारा २ का मतदातालाई आफनो पक्षमा पार्न यादवले पनि विभिन्न आश्वासनहरु दिए । यादवले निजगढ अन्र्तराष्ट्रि विमानस्थल निर्माणको काम यथाशीघ्र सुरु गराउन सरकारलाई दबाब दिने बताए । यस्तै नागरिकताको समस्या समाधान छिट्टै हुने , गढीमाई मन्दिरलाई अन्र्तराष्ट्रिय धार्मिक पर्यटन केन्द्रका रुपमा विकास गरिने , घरबार विहिन विपन्न र दलितहरुलाई जनता आवास कार्यक्रम मार्फत घर उपलब्ध गराउने यादवले बताए ।
यादवले भने,‘ गठबन्धनको उम्मेदवार मलाई जिताएर संसदमा पठाउनुस् , बाराका सारा समस्याहरु समाधान गर्छु र सरकारबाट गराउछु ।
लोकतान्त्रिक समाजवादी पार्टीका अध्यक्ष महन्थ ठाकुर अचानक अस्वस्थ्य भएका कारण आमसभामा सहभागी हुन नसकेपछि उनको तर्फबाट पार्टीका मधेस प्रदेश अध्यक्ष जितेन्द्र सोनलले आमसभालाई सम्बोधन गर्दै यादवका लागि मत मागे । सोनलले अहिलेको पाँच दलीय गठबन्धनलाई अझ मजबुत बनाई पाँच वर्ष सम्म टिकाउनका लागि पनि बारा २ मा जसपा अध्यक्ष यादवको जित अपरिहार्य भएको बताए ।
यसका साथै संघीयता र लोकतन्त्रलाई संस्थागत गर्न तथा मधेस प्रदेशलाई मजबुत बनाउन पनि संसदमा यादवको उपस्थिती आवश्यक भएकाले जिताएर संसदमा पठाउन उनले बारा २ का मतदातासंग अपिल गरे ।
देशको विकास , समृद्धि , संघीयताको कार्यान्वयन , सत्य र न्यायको रक्षाको लागि पाँच दलीय गठबन्धन बनेको सोनलले प्रस्ट्याए ।
गठबन्धनको चुनावी आमसभामा मधेस प्रदेशका आठ वटै जिल्लाबाट पाँच दलका नेता कार्यकर्ताहरुको सहभागीता थियो ।