वीरगन्ज ,७चैत : पर्साकाे ठाेरीमा पाटे बाघले गाँउमै पसेर चाैपायाहरु मारेपछि स्थानीय आतंकीत भएका छन् ।
पर्सा राष्ट्रिय निकुञ्जकाे जंगलबाट साेमबारराति गाँउ छिरेकाे पाटे बाघले ठोरीको घ्याङडाडाका स्थानीय मिकमर लामाको गोठमा पसेर बाख्रा र पाडा मारेको छ ।राती करीब १२ बजेतिर गोठमा पसेर पाटे बाघले ६ वटा बाख्रा र एउटा पाडा मारेको स्थानिय बुद्ध पाख्रीनले जानकारी दिए।
मध्यरातमा पाटे बाघले आतंक मच्चाएपछि स्थानीयबासीले पर्सा राष्ट्रिय निकुञ्जका नेपाली सेनालाई खबर गरेका थिए । निकुञ्जबाट आएका सेना , स्थानीयबासी र निकुञ्जका कर्मचारीको संयुक्त टोलीले मंगलबार बिहान ४ बजे मात्रै उक्त बाघलाई पर्सा राष्ट्रिय निकुञ्जकाे जंगल तर्फ धपाउन सफल भएकाे पाख्रीनले जानकारी दिए।