मधेसखबर
वीरगन्ज, १०फागुन : पर्साको पर्सागढी नगरपालिका वडा नम्बर ३ मा आमोदेवी मानव सेवा केन्द्रको भवन निर्माण हुने भएको छ ।
पर्सागढी नगरपालिका र आमोदेवी सेवा केन्द्रको संयुक्त लगानीमा मानव सेवा केन्द्रको भवन निर्माण कार्य बुधबारदेखि शुरु गरिएको हो । १७ लाख रुपैयाको लागतमा निर्माण गर्न लागिएको सेवा केन्द्रको दुई कोठे भवनको बुधबार सिलान्याश गरिएको छ ।
पर्सागढी नगरपालिकाका मेयर गोकर्ण पाठकको उक्त भवनको सिलान्याश गरेका हुन् । सिलान्याश गर्दै मेयर पाठकले मानव सेवाको उदेश्यका साथ स्थापित मानव सेवा केन्द्रको भवन निर्माणका लागि नगरपालिकाले आगामी दिनमा थप सहयोग गर्नेबताए ।
पर्सागढि नगरपालिकाले गत आर्थिक बर्ष ०७९÷०८० को बजेटमा बिनियोजित गरेको १२ लाख र आमोदेवी मानव सेवा केन्द्रको आफनै ५ लाख गरि कूल १७ लाख रुपैयाको लागतमा भवन निर्माणको सुरुवात गरिएको सेवा केन्द्रका अध्यक्ष अशोक बुर्लाकोटीले जानकारी दिए ।
मेयर पाठकको प्रमुख आतिथ्यतामा बुधबार भएको सिलान्याश कार्यक्रममा वडा नम्बर ३ का वडाध्यक्ष सुकमान तमांग, कार्यपालिका सदस्य सीता लामा , पुर्व वडाध्यक्ष बेदमन दास थारु , वडा सदस्य दोय रामजिवन थारु लगायतको पनि उपस्थिती थियो ।