वीरगन्ज,२३माघ: वीरगन्ज कारागार परिसरमा रहेकाे समता स्कुलमा अध्ययनरत बालबालिकाहरुलाई नि:शुल्क रुपमा जुत्ता, कापी, कलम, साबुन, बिस्कुट र जुस लगायतका सामग्री बितरण गरिएको छ ।
परिर्वतन नेपाल फाउन्डेसनको सहयोगमा सामुदायिक सेवा केन्द्र तथा सामुदायिक प्रहरी सेवा कुम्हाल टोल वीरगन्जले साेमबार समता स्कुलमा अध्ययनरत ७५ जना बालबालिकाहरुलाई ती सामग्री वितरण गरेकाे हाे ।
वीरगन्ज कारागरमा आयाेजित कार्यक्रममा वडा प्रहरी कार्यालय विर्ताका प्रहरी निरिक्षक विशाल मल्लले बालबालिकाहरुलाई सामग्री वितरण गर्दै सामाजीक कार्यमा सबैलाई हातोमालो गर्दै अगाडी बढ्न आग्रह गरे । उनले अगामी दिनमा पनि सामाजिक कार्य गर्नका साथै यस क्षेत्रको शान्ति सुरक्षामा कमी आउन नदिने प्रतिबद्धता जनाए ।
कार्यक्रममा सामुदायिक सेवा केन्द्रका अध्यक्ष रमेश चौधरी, परिर्वतन नेपाल फाउन्डेसनका अध्यक्ष रणधिर वर्णवाल, सामुदायिक कुम्हाल टोलका सल्लाहकार नन्दलाल राउत, विद्यालयका शिक्षक, शिक्षिका लगायतको सहभागिता रहेको थियो ।
दुई कक्षासम्म पढाई हुने समता स्कुलमा करागारमा रहेका कैदीबन्दीका छोरा/छोरी लगायत अति बिपन्न वर्गका छोरा/छोरीहरुले शिक्षा आर्जन गर्दै आएका छन् ।