वीरगन्ज,०५माघःप्रतिनिधिसभाको सभामुखमा देवराज घिमिरे निर्वाचित भएको छ । प्रतिनिधीसभाको बैठकमा बिहीबार भएको निर्वाचनमा सत्ता गठबन्धनबाट नेकपा एमालेका उम्मेदवार घिमिरे सभामुखमा निर्वाचित भएका हुन् ।घिमिरेलाई सभामुख बनाइयोस् भन्ने प्रस्तावको पक्षमा १६७ र विपक्षमा १०० मत परेको हो ।
प्रतिनिधिसभाका २७५ मध्ये २६८ जना मतदानमा सहभागी भएका थिए । एक जना सांसद भने तटस्थ बसेका थिए।निर्वाचनमा सभामुखका लागि नेपाली कांग्रेसकी ईश्वर न्यौपानेले पनि उम्मेदवारी दिएकि थिइन् ।
सभामुखमा निर्वाचित घिमिरेलाई सरकारमा रहेको नेकपा एमाले , नेकपा माओवादी केन्द्र, राष्ट्रिय स्वतन्त्र पार्टी, राप्रपा, जनमत पार्टी ,जनता समाजवादी पार्टी, नागरिक उन्मुक्ति पार्टीले मत दिएका हुन् ।
कांग्रेस उम्मेदवार न्यौपानेलाई भने कांग्रेस , नेकपा एकीकृत समाजवादी, लोकतान्त्रिक समाजवादी र राष्ट्रिय जनमोर्चाले मात्र समर्थन गरेका थिए ।