मधेसखबर
वीरगन्ज,१२मंसिर : रौतहटको गरुडामा सोमबार बिहान बसको ठक्करबाट एक व्यपारीको मृत्यु भएको विषयलाई लिएर स्थानीयवासी र व्यपारीहरुले प्रदर्शन गर्दै सडक अवरुद्ध पारेका छन् ।
गरुडा नगरपालिका वडा नम्बर ४ का ४८ बर्षिय व्यपारी राजनारायण साहको सोमबार बिहान बसको ठक्करबाट मृत्यु भएको थियो ।
ठक्कर दिने बसका चालकलाई कारबाही र मृतकका परिवारलाई क्षतिपुर्तिको माग गर्दै गरुडामा व्यापारी र स्थानीयले गौर चन्द्रपुर सडकखण्डको गरुडामा प्रदर्शन गरेर चक्का जाम पनि गरेका हुन् ।
घटना सोमबार बिहानैको भएपनि प्रहरीले व्यापारी मृत्युको कारण सडक दुर्घटना भने पनि समय र सवारी साधन बारे खुलाउन सकेको छैनन् ।तर ईलाका प्रहरी कार्यालय गरुडाका प्रहरी निरिक्षक रामराजा केसरीले भने ठक्कर दिने सवारीसाधनको पत्ता नलागेको हुँदा प्रहरीले गहन छानविन गरिरहेको जानकारी दिए ।